ხშირად დასმული კითხვები

• ვის შეუძლია კონკურსში მონაწილეობის მიღება?

  კონკურსში მონაწილეობა შეუძლია საქართველოს მოქალაქეს, პირადობის ნეიტრალური მოწმობის მქონე ან ნეიტრალური სამგზავრო დოკუმენტის მქონე პირს და საქართველოში რეგისტრირებული სამეწარმეო საზოგადოებას. კონკურსის მონაწილე განმცხადებელი უნდა იყოს რეგისტრირებული, ახორციელებს ან/და აპირებს ეკონომიკურ საქმიანობას იმ რეგიონში, რომლის კონკურსის ფარგლებშიც შემოაქვს განაცხადი

• კონკურსში გამარჯვების შემთხვევაში, რა დოკუმენტაცია უნდა წარმოადგინოს აპლიკანტმა, რომ მასთან გაფორმდეს საგრანტო ხელშეკრულება?

  იმისათვის, რომ გაფორმდეს საგრანტო ხელშეკრულება, გამარჯვებულმა აპლიკანტმა უნდა წარმოადგინოს შემდეგი დოკუმენტაცია:
  1. სამეწარმეო რეესტრში კომპანიის დაფუძნების დამადასტურებელი დოკუმენტი (იმ შემთხვევაში, თუ აპლიკანტი ფიზიკური პირია);
  2. ბანკის მიზნობირივი ანგარიშის რეკვიზიტები PDF ფორმატში, რომელზეც უნდა ჩაირიცხოს გრანტის და თანადაფინანსების რესურსები და არ იქნება სხვა რესურსების ბრუნვა, გარდა გრანტის და თანადაფინანსების თანხებისა;
  3. გრანტების კოორდინატორთან შეთანხმებული ბიუჯეტი.

• კერძო თანადაფინანსების არსებობა სავალდებულოა?

  არ არის სავალდებულო თანადაფინანსების არსებობა კონკურსში მონაწილეობისთვის

• მინიმუმ რა თანხა უნდა იქნას მოთხოვნილი გრანტის სახით?

  გრანტის მინიმალური ოდენობა არ არის დადგენილი საკონკურსო პირობებით.

• მაქსიმუმ რა თანხის მოთხოვნა შეუძლია აპლიკანტს გრანტის სახით?

  გრანტის მაქსიმალური ოდენობა შეადგენს 25 000 ლარს.

• რა ტიპის ხარჯების გათვალისწინება არ შეიძლება პროექტის ბიუჯეტში?

  პროექტის ფარგლებში არამიზნობრივ ხარჯებად განიხილება: 
  1. გართობისა და წარმომადგენლობითი ხარჯები;
  2. ადგილმონაცვლეობის ხარჯები და შეწირულობები:
  3. მიწისა და შენობების შესყიდვა, შენობა-ნაგებობების აშენება ან/და იჯარის გადახდა,
  4. ავტოსატრანსპორტო საშუალებების შესყიდვა.
  5. გაუთვალისწინებელი ხარჯი (მათ შორის, ხარჯები ან რეზერვები შესაძლო დანაკარგებისა
  ან დავალიანებებისათვის; კურსთაშორისი სხვაობებით გამოწვეული დანაკარგები; აგრეთვე
  ჯარიმები);
  6. ბიუჯეტის ის პუნქტები, რომელიც უკვე დაფინანსებულია სხვა სტრუქტურის, პროგრამის
  ან კომპანიის/დაწესებულების მეშვეობით (ორმაგი დაფინანსების თავიდან აცილება);
  7. ხარჯი რომელიც არ დასტურდება ხარჯის გაწევის დამადასტურებელი შესაბამისი
  დოკუმენტებით;
  8. ხარჯი რომელიც გაწეულია პროექტის განხორციელების ვადის გასვლის შემდეგ.
  9. დღგ-ს, მოგების და იმპორტის გადასახადი იმ შეღავათების შესაბამისად, რაც გრანტის
  მიმღებისთვის არის გათვალისწინებული საქართველოს საგადასახადო კოდექსის შესაბამის
  მუხლებში. დღგ-ს გრანტის სახსრებიდან დაფარვის შემთხვევაში, ამგვარი გადახდა ვერ
  ჩაითვლება მიზნობრივ ხარჯად და შესაბამისად არ იქნება შეტანილი ფინანსური ანგარიშის
  დანახარჯების ნუსხაში;

• რა ტიპის ხარჯების გათვალისწინება შეიძლება პროექტის ბიუჯეტში?

  პროექტის ბიუჯეტი შესაძლებელია მოიცავდეს შემდეგ ხარჯვით კატეგორიებს:
  ა) ხელფასი - უნდა მოიცავდეს პროექტზე მომუშავე თანამშრომლების ყველა გადასახადს თუ
  სოციალურ სარგებელს; არ უნდა აღემატებოდეს პროექტით მოთხოვნილი ბიუჯეტის 20%-ს;
  ბ) წარმოებისათვის საჭირო აღჭურვილობა, მანქანა-დანადგარები და კვლევითი და საცდელი
  სამუშაოებისათვის საჭირო სასაქონლო მატერიალური მარაგები;
  გ) კვლევითი და საცდელი მომსახურება, ამასთან ყველა შეთანხმება, დადებული მესამე
  მხარესთან უნდა ითვალისწინებდეს წინაპირობას, რომ ნებისმიერი ინტელექტუალური
  საკუთრება, რომელიც შესაძლოა შეიქმნას პროექტის იმპლემენტაციის პერიოდში, იქნება
  ბენეფიციარის საკუთრება;
  დ) კვლევითი და საცდელი დარგის ექსპერტები/მრჩევლების ანაზღაურება;
  ე) საპატენტო განაცხადების ანდა სერტიფიკატების საფასურები;
  Ვ) გაყიდვების და მარკეტინგის ხარჯები;
  ზ) პროფესიული მომსახურების ანაზღაურება;

• შეიძლება მოვითხოვო 25 000 ლარზე ნაკლები ბიუჯეტის მქონე გრანტი?

  გრანტის მინიმალური ოდენობა არ არის შეზღუდული საკონკურსო პირობებით.

• პროექტის ბიუჯეტი შესაძლოა ითვალისწინებს ხელფასებს?

  პროექტის ბიუჯეტი შესაძლოა ითვალისწინებდეს ხელფასებს არაუმეტეს მოთხოვნილი თანხის 20%-ისა.

• დამფუძნებლების რაოდენობა შეზღუდული?

  დამფუძნებლების რაოდენობა არ არის შეზღუდული.

• იმ შემთხვევაში, თუ განმცხადებელმა კონკურსში ვერ გაიმარჯვა, შეუძლია თუ არა იგივე განაცხადი მეორედ წარმოადგინოს კონკურსის შემდგომ რაუნდზე?

  იმ შემთხვევაში, თუ განმცხადებელმა კონკურსში ვერ გაიმარჯვა შეუძლია იგივე ან/და გაუმჯობესებული განაცხადი წარმოადგინოს მომდევნო წლის კონკურსზე

• არის თუ არა შესაძლებლობა, რამოდენიმე აპლიკაციის ერთდროულად შემოტანა ერთი განმცხადებლის მიერ?

  ამ საგრანტო კონკურსის ფარგლებში განმცხადებელს უფლება აქვს წარმოადგინოს 1-ზე მეტი განაცხადი, თუმცა საგრანტო კონკურსის ფარგლებში განმცხადებელი ვერ დაფინანსდება ერთზე მეტი გრანტით.

• არსებობს თუ არა პრიორიტეტული დარგობრივი მიმართულებები, რომლის დაფინანსებაც იგეგმება აღნიშნულ კონკურსში?

  კონკურსის მარეგულირებელი ნორმებით არ არის განსაზღვრული პრიორიტეტული დარგობრივი მიმართულებები. ყველა განაცხადი შეფასდება წინასწარ განსაზღვრული კრიტერიუმებით.

• არსებობს საქმიანობები, რომლებიც არ განიხილება დასაფინანსებლად?

  პროგრამის ფარგლებში დაფინანსებას არ ექვემდებარება:
  სპირტის და სპირტიანი სასმელების, თამბაქოს, და სახიფათო ნივთიერებების წარმოება.
  ღვინის ინდუსტრიასთან დაკავშირებული პროექტები დასაშვებად იქნება მიჩნეული თუ იგი
  არ ეხება სპირტის ან სპირტის შემცველი პროდუქტების შექმნას. 

• კონკურსის მიმდინარეობისას სავალდებულოა თუ არა აპლიკანტისგან რაიმე ტიპის აქტივობების განხორციელება?

  იმ შემთხვევაში, თუ განაცხადი წარმატებით გადალახავს ადმინისტრაციული შემოწმების ეტაპს (განმცხადებლის და ბიზნეს გეგმის კონკურსის ფორმალურ მოთხოვნებთან შესაბამისობა)  აპლიკანტმა მონაწილეობა უნდა მიიღოს სამდღიან ონლაინ პროგრამაში, რათა უკეთესად მოემზადოს შეფასებელ კომისიასთან პრეზენტაციისთვის).

• რა სიხშირით ცხადდება კონკურსი?

  თითოეულ რეგიონზე კონკურსი ცხადდება წელიწადში ერთხელ

• როგორ უნდა წარვადგინო განაცხადი საგრანტო კონკურსში მონაწილეობის მისაღებად?

  განაცხადის წარდგენა ხდება ვებ-პორტალის მეშვეობით.

• გაიმართება თუ არა პერსონალური კონსულტაციები საგრანტო კონკურსთან დაკავშირებულ საკითხებზე?

  საგრანტო კონკურსთან დაკავშირებულ საკითხებზე საინფორმაციო დღეების შესახებ ინფორმაცია შეგიძლიათ იხილოთ GITA-ს Web/Facebook გვერდზე.